Nakatanggap ng Order ni Lapu-Lapu (Rank of Kamagi) ang mga magigiting na miyembro ng PNP bilang pagkilala at parangal sa kanilang serbisyo noong Marawi Siege sa Regional Headquarters, Tambler, General Santos City nito lamang umaga ng Lunes, Mayo 23, 2022.
Idinaos ng Police Regional Office 12 sa pangunguna ni PBGen Alexander Tagum, Regional Director, ang kanilang Flag Raising Ceremony at paggawad ng Order of Lapu-Lapu.
Sa nasabing seremonya pinangunahan ni PBGen Tagum ang paggawad ng Order of Lapu-Lapu sa mga tauhan ng PRO12 at isa si PLt Romel Sumalinog, Officer-in-Charge ng Regional Police Community Affairs and Development Unit 12 (RPCADU12) sa mga nakatanggap ng parangal mula sa Pangulo ng Pilipinas, bilang pagkilala sa kanyang katapatan at pagbibigay serbisyo sa bayan.
Ayon kay PLt Sumalinog, ang kanilang natanggap na National Order of Merit na ipinagkaloob sa kanila ng Pangulo ng Pilipinas na si President Rodrigo Roa Duterte, ay para sa mga opisyales at tauhan ng gobyerno at pribadong indibidwal bilang pagkilala sa napakahalaga at pambihirang serbisyo kaugnay ng isang kampanya o adbokasiya ng Pangulo.
Samantala, nagpahayag naman ng pasasalamat si PLt Sumalinog bilang isa sa mga naparangalan ng Kamagi Medal (Order of Lapu-Lapu) na iginawad ng tanggapan ng Pangulo ng Pilipinas.
###
Panulat ni Patrolman Khnerwin Jay A Medelin
