Kalinga – Nakiisa ang mga tauhan ng Kalinga Police Provincial Office sa isinagawang Medical and Dental Mission na pinasimulan ng Kalinga Provincial Local Government Unit na ginanap sa Mabaca Elementary School, Tanudan, Kalinga nito lamang Huwebes, Disyembre 29, 2022.
Ayon kay Police Colonel Charles Domallig, Provincial Director ng Kalinga PPO, ang aktibidad ay inisyatibo ng Kalinga LGU sa ilalim ng Lumin-awa Kalinga Medical Mission Team sa pangunguna ni Governor James Edduba.
Buong suporta naman ang ipinamalas ng Police Community Affairs and Development Unit, Provincial Medical and Dental Unit, Tanudan Municipal Police Station, 1st at 2nd Kalinga Mobile Force Company at mga tauhan ng PDEA Kalinga.
Ang programa ay may temang: “Paghahatid ng Serbisyo sa Bayan at Mabuting Pamamahala” kung saan nakinabang ang humigit kumulang 252 residente kasama ang mga bata, matatanda at senior citizen sa mga serbisyo na inihandog ng naturang medical at dental mission.
Ayon pa kay PCol. Domallig, nagsagawa ng libreng fluoridization, random blood sugar monitoring, medical assessment at recording ng vital signs, BP monitoring at dental check-up kasama ang libreng pagbubunot ng ngipin at pamamahagi ng libreng gamot at bitamina.
Maliban dto, nagsagawa naman ang mga tauhan ng Kalinga PPO ng libreng gupit at libreng tuli.
Dagdag pa rito, namahagi rin ng IEC materials na naglalaman ng kampanya ng gobyerno laban sa ilegal na droga, anti-terrorism, VAWC, health tips partikular sa kalinisan, at stress management.
Ang nasabing programa ng Kalinga PPO katuwang ang PLGU ay naglalayon na maihatid ang iba’t ibang serbisyo ng gobyerno sa malalayong lugar at maipadama ang malasakit sa mga tao ngayong kapaskuhan at bagong taon.
Source: Kalinga Police Provincial Office
