Kalinga – Nakiisa ang mga tauhan ng 1st Kalinga Provincial Mobile Force Company sa ilalim ng liderato ni Police Major Ham Banag, Acting Force Commander, sa isinagawang Fun Run Activity ng 503rd “Peace and Justice Brigade” Headquarter, Calanan, Tabuk City, Kalinga nito lamang ika-3 ng Hunyo 2023.
Ang aktibidad ay inorganisa ng Youth for Peace Philippines-Cordillera Youth Brigade (YFPP-CYB) na may temang: “Run, Inspire, Impact”.
Kabilang sa mga nakilahok sa nasabing aktibidad ay ang mga kasundaluhan, Barangay Officials, Non-Government Organizations (NGOs), at iba pang Government Agencies.
Nakilahok din mula sa mga sector ng kabataan, estudyante, faith-based, at iba pa.
Layunin ng naturang aktibidad na paigtingin ang magandang ugnayan ng bawat sector ng komunidad para sa pagpapahalaga at pagbigay suporta sa mga programa at aktibidad na isinasagawa ng ating mga kabataan tungo sa kapayapaan, kaunlaran at kaayusan ng ating bansa.
