Aklan – Aktibong nakilahok at nakiisa ang mga tauhan ng Kalibo Municipal Police Station sa isinagawang Bloodletting activity ng Philippine Red Cross Aklan Chapter na ginanap sa Kalibo Pastrana Park Covered Court, Poblacion, Kalibo, Aklan nito lamang ika-7 ng Pebrero 2023.
Ang naturang bloodletting ay may temang “Dugo mo, Kabuhi ko o Dugo mo Buhay ko” na naglalayong makakolekta ng sapat na dugo upang magamit at maitulong sa ating mga kababayan na higit na nangangailangan ng dugo.
Ang pakikiisa ng Kalibo PNP sa naturang programa ay isang patunay na ang ating PNP ay may malasakit sa kapwa at hindi magsasawang tumulong sa mamamayan.
