Sarangani Province – Namahagi ng mga kagamitan pang-eskwela ang mga tauhan ng 1204th Maneuver Company, Regional Mobile Force Battalion 12 sa mga estudyante ng Falel Kesbung Integrated School sa Sitio Falel, Barangay Tamadang, Kiamba, Sarangani Province nitong ika-19 ng Enero 2023.
Mahigit 271 na mag-aaral ang naging benepisyaryo na napamahagian ng mga lapis at notebook.
Kasabay ng aktibidad ay nagsagawa rin sila ng feeding program sa mga kabataan na ikinatuwa naman ng mga ito.
Nagpasalamat naman ang mga kabataan dahil ang inihandog ng kapulisan sa kanila ay talaga namang mapapakinabangan nila sa kanilang pag-aaral.
Ang mga ganitong aktibidad ang nagpapatunay ng tunay na malasakit ng kapulisan sa mga kabataan at mamamayan tungo sa masaya, progresibo at mapayapang komunidad.
Panulat ni Patrolman Charnie Atienza Mandia
