Malapatan, Sarangani Province – Namahagi ng mga kagamitan pang-eskwela ang mga tauhan ng Sarangani Police Provincial Office sa mga kabataang estudyante ng Daan Suyan Integrated School, Malapatan Sarangani Province nitong ika-10 ng Nobyembre 2022.
Mahigit 500 na kabataan ang naging benepisyaryo na nabigyan ng pagkain, laruan at mga gamit pang-eskwela.
Naging matagumpay ang naturang aktibidad dahil sa pagtutulungan ng Sarangani Police Provincial Office sa pamumuno ni Police Colonel Nicomedes Olaivar Jr. katuwang ang Maribulan Masonic Lodge No. 304 na taus-pusong naghandog ng mga kagamitan pang-eskwela.
Nagpasalamat naman ang mga kabataan dahil sa mga kagamitan at pagkain na kanilang handog na taus-pusong inalay kahit pa sa panahon ng pandemya.
Ang mga ganitong aktibidad ang nagpapatunay ng malakas na ugnayan ng PNP at komunidad tungo sa maayos at payapang pamayanan.
Panulat ni Patrolman Charnie Atienza Mandia
