Sarangani Province – Namahagi ng mga kagamitang pang-eskwela ang mga tauhan ng Sarangani Police Provincial Office sa mga kabataang mag-aaral ng Barangay Lun Padidu, Malapatan, Sarangani Province nitong ika-18 ng Hulyo 2023.
Pinangunahan ni Police Colonel Nicomedes Olaivar Jr., Provincial Director ng Sarangani Police Provincial Office, ang aktibidad kasama ang Perry Rotary Club at mga Force Multipliers na boluntaryong nakiisa sa pamamahagi.
Mahigit 100 na estudyante ang naging benepisyaryo na napamahagian ng mga notebook at bag.
Kasabay ng aktibidad ay nagturo din sila ng kaunting kaalaman patungkol sa RA 10627 o “Anti-Bullying Act of 2013”.
Natuwa naman ang mga kabataan dahil sa kabila ng sakuna at pandemya ay patuloy ang mga kapulisan sa pagtulong sa kanila. Ang mga ganitong aktibidad ang nagpapatunay ng malakas na ugnayan ng kapulisan at ng mamamayan upang mapanatili ang maayos at mapayapang bayan.
Panulat ni Patrolman Charnie Atienza Mandia
