Maguindanao – Nagsagawa ng pamamahagi ng relief goods ang mga tauhan ng Kabuntalan Municipal Police Station sa mga residenteng naapektuhan ng Bagyong Paeng sa Brgy. Kusiong at Brgy. Badak, Datu Odin Sinsuat, Maguindanao nito lamang ika-7 ng Nobyembre, 2022.
Ito ay sa pangunguna ni Police Corporal Bai Farinah Lauban Sero at Patrolwoman Ramla Kamid sa pamumuno ni Police Lieutenant Anuar Mambatao, Acting Chief of Police ng Kabuntalan MPS.
Kabilang sa mga serbisyo ay ang pamamahagi ng iba’t ibang klase ng damit at feeding program.
Ang nasabing aktibidad ay mula sa inisyatibo ng mga tauhan ng Kabuntalan MPS at Acting COP at sa tulong ng mga kamag-anak ni PCpl Seron na boluntaryong nakiisa sa aktibidad.
Ang aktibidad ay alinsunod sa programa ng Hepe ng Pambansang Pulisya na si Police General Rodolfo S Azurin Jr, na MKK=K o Malasakit, Kaayusan, Kapayapaan tungo sa Kaunlaran na naglalayong mas mapagtibay ang ugnayan ng PNP at komunidad para sa mas ligtas at maayos na pamayanan.
Panulat ni Patrolman Charlie Nasroden Corpuz
