Dumalo sa Children’s Congress ang mga tauhan ng Kabayan Municipal Police Station sa Regional Evacuation Center, Kabayan, Benguet noong ika-26 ng Nobyembre, 2024.
Ang Children’s Congress ay bahagi ng pagdiriwang ng ika-124 na Anibersaryo ng Pagkakatatag ng Kabayan, kung saan layunin nitong magbigay-kaalaman at magpatibay ng suporta sa mga kabataan.
Sa nasabing aktibidad, nagsagawa ang mga tauhan ng Kabayan MPS sa ilalim ng pamamahala ni Police Captain Denio G Pacio, Acting Chief of Police ng lecture hinggil sa kamalayan laban sa iligal na droga, Republic Act 10627 (The Anti-Bullying Act of 2013), RA 9262, at RA 7610, kung saan ang mga mag-aaral ay aktibong nakibahagi sa pamamagitan ng makabuluhang katanungan at pagpapahayag ng kanilang mga saloobin, at pagkatapos ay maayos na tinugunan ng mga tauhan ang mga paglilinaw, tanong, at iba pang isyu at alalahanin.
Kasama rin sa programa ang mga iba’t ibang aktibidad na naglalayong palakasin ang kamalayan ng mga bata sa kanilang mga karapatan at responsibilidad, kabilang ang mga larong pampalakasan, workshops, at cultural presentations.
Ang aktibong pakikiisa ng Kabayan PNP sa ganitong mga gawain ay nagpapakita ng patuloy na suporta at dedikasyon sa kapakanan ng mga kabataan, na lubos namang pinasasalamatan at sinusuportahan ng mga magulang at guro na dumalo sa kaganapan para sa mga inisyatibong naglalayong protektahan at pagyamanin ang kinabukasan ng mga bata sa komunidad.
