Nagsagawa ng zumba at fellowship ang mga kababaihan ng Benguet Police Provincial Office bilang bahagi ng pagdiriwang ng National Women’s Month na ginanap sa Valleywood Adventure Park, La Trinidad, Benguet nito lamang ika-19 ng Marso, 2025.
Ang nasabing aktibidad ay pinangunahan ni Police Major Joewee Lou A Dausen, Chief ng Provincial Administration and Records Management Unit (PARMU).
Nagsimula ang aktibidad sa isang energizing na zumba dance workout upang maitaguyod ang pisikal na kalusugan.
Kasunod nito ay nagkaroon ng fellowship kung saan ibinahagi ni PMaj Dausen ang kanyang mga pananaw tungkol sa Women Empowerment, “Hindi nangangahulugan na kapag ang babae ay empowered, kailangan niyang maging pisikal na malakas. Ang pagiging empowered ay nangangahulugan na alam natin kung ano ang gusto nating gawin at kaya natin itong gawin.”
“Keep going Benguet Cowgirls,” dagdag pa niya.
Samantala, Si PMaj Pearly Jaene B Dino, Chief ng Women and Children Protection Desk (WCPD), ay nagbigay din ng inspirasyon sa mga kalahok na panatilihin ang positibong pananaw sa buhay at magpursige sa pagpapanatili ng magandang relasyon sa trabaho sa isa’t isa, “Palakasin natin ang ating pagkakaisa sa pamamagitan ng mga aktibidad na tulad nito.
Ang nasabing aktibidad ay isang magandang paraan upang ipagdiwang ang National Women’s Month na pagpapakita ng pagkakaisa, pagpapalakas ng loob, at magbibigay ng inspirasyon sa isa’t isa.
