Southern Leyte – Pinangunahan ng mga tauhan ng 1st Southern Leyte Provincial Mobile Force Company ang “Ka-DUGO” Blood Donation Drive sa Graduate School Building ng SLSU- Tomas Oppus, San Isidro, Tomas Oppus, Southern Leyte noong Miyerkules, Hulyo 20, 2021.
Ito ay pinangunahan ni Police Lieutenant John Michael D Crispino sa ilalim ng direktang pangangasiwa ni Police Lieutenant Geraldo Benjamin A Avengoza, Force Commander.
Ang “Ka-DUGO” blood donation drives ay sinimulan ng Office of Research, Innovation and Extension Services ng Southern Leyte State University-Tomas Oppus.
Ang aktibidad na ito ay naglalayong itaas ang kamalayan ng publiko sa halaga ng pagdodonate ng dugo upang makasagip sa mga taong nangangailangan nito.
Ang 1st SLPMFC ay magpapatuloy sa pakikipagtulungan sa komunidad upang mapaghandaan ang hinaharap na maaaring may nangailangan ng pagsasalin ng dugo. Naninindigan din ang PNP sa pangako nitong paglilingkuran ang komunidad.
###
Panulat ni Patrolwoman Rialyn B Valdez
