Ito ang naging tugon ni Police Brigadier General Nicolas D Torre III, Regional Director ng Police Regional Office 11, nang matanong sa isang interview kasunod ng pagsuko ni Pastor Apollo Quiboloy at kasamahan nito na may patong-patong na kaso nito lamang gabi ng Setyembre 8, 2024.
Sinabi rin ni PBGen Torre na makakatulog na siya nang maayos dahil simula noong lumabas at inihain ang Warrant of Arrest ay kadalasan na wala na siyang tulog.
Ipinapaabot din ni RD Torre ang kanyang pasasalamat sa lahat ng kanyang mga tauhan at mag-aalay ito ng bulaklak sa kanyang ama na si Rodolfo M Torre, 551354 PESE na nakahimlay sa Libingan ng mga Bayani na sandigan nito sa panahon na kinukutya siya ng mga mamamayan at kinukwestyon ang kanyang abilidad bilang Ground Commander sa paghahain ng Warrant of Arrest.
Handa din si PBGen Torre na sagutin ang lahat ng kaso na ipupukol sa kanya.
Samantala, nagpasalamat din ang butihing Heneral sa lahat ng kooperasyon ng KOJC members at mga Davaeños.
Ipinakita din nito sa publiko ang titulo ng lupa at bahay na nakapangalan sa kanilang mag-asawa na naka-address sa Talomo ng naturang lungsod. Ito ay para sa lahat ng mga taong nangungutya sa kanya at nagsasabi na hindi siya taga-Davao City.
“Ako’y nagpapasalamat sa ating kapulisan, sa ating mga kabaro na lahat ay nagpakahirap para sa misyon na ito. Sana ay tuloy-tuloy lang ang trabaho, mahalin natin ang trabaho at serbisyong ito. Let’s be proud that we did our job today,” saad ni PBGen Torre.
Panulat ni PSSg Grace Neville L Ortiz
