Daanglungsod, Cebu – Naghatid ng tulong ang mga kawani ng Alcoy Municipal Police Station sa isang residenteng nasunugan sa Sitio Datag, Brgy. Daanglungsod, Cebu nito lamang ika-13 ng Setyembre 2022.
Ang Alcoy PNP sa pangunguna ni Police Lieutenant Ramuel O Banogon, Chief of Police ay nagpaabot ng bigas, damit, canned goods, noodles kay Mr. Teodoro Andrino at sa kaniyang kinakasama na si Ms. Melodina Cartalla na kabilang sa mga nasunugan.
Labis naman ang pasasalamat ng naging benepisyaryo dahil bukod sa dalang tulong ng kapulisan ay naramdaman rin nila na sila’y hindi nakakaligtaang bigyang pansin ng mga ito lalong-lalo na sa mga ganitong oras ng sakuna.
Patuloy na maglilingkod at magbibigay ng serbisyong may malasakit ang ating Pambansang Pulisya sa ating mga kababayan lalo’t higit sa mga residenteng lubos na nangangailangan na mas magpapatibay sa ugnayang pulisya at mamamayan.
Panulat ni Kyla Hannah Evangelista
