San Vicente, Camarines Norte – Kusang-loob na sumuko ang isang miyembro ng Communist Terrorist Group sa Camarines Norte PNP sa Barangay Asdum, San Vicente, Camarines Norte nitong Martes ng umaga, Hunyo 7, 2022.
Kinilala ni Police Colonel Julius Guadamor, Provincial Director ng Camarines Norte Police Provincial Office ang sumuko na si Ely Alaba Villacrusis alyas “Ka Rezel”, 40, miyembro ng Larangan 1, KP1, BRPC sa ilalim ng pamumuno ni Eddie Llanes alyas “Ogie/Paeng” na nag-ooperate sa Camarines Norte.
Ayon kay PCol Guadamor, isinuko niya ang isang carbine calibre 30 rifle, 7 magazine, 53 live ammunitions para sa parehong kalibre ng baril at apat na IED.
Sa kasalukuyan, nasa kustodiya na ng San Vicente MPS ang sumukong miyembro ng CTG, baril at mga pampasabog para sa kaukulang disposisyon.
Hinihikayat ang lahat na huwag magpalinlang sa baluktot na adhikain at ideolohiya at imulat ang kaisipan na walang magandang maidudulot ang pagsali sa teroristang grupo.
Source: Camarines Norte PPO
###
Panulat ni Patrolman Jomar Danao
