Oriental Mindoro – Timbog ang isang lalaki sa isinagawang buy-bust operation ng mga tauhan ng Mansalay Municipal Police Station sa Roma, Mansalay, Oriental Mindoro noong ika-24 ng Mayo 2023.
Kinilala ni Police Major Joel Saguid, Acting Chief of Police ng Mansalay MPS, ang suspek na si alyas “Kent”, residente ng Mansalay, Oriental Mindoro.
Ayon ka PMaj Saguid, naaresto ang suspek sa isinagawang joint buy-bust operation ng mga tauhan ng Mansalay MPS, Municipal Drug Enforcement Team (MDET), Provincial Drug Enforcement Unit (PDEU) ORMIN PPO, 2nd PMFC OrMin PPO na pinangunahan ni Police Lieutenant Colonel Anthony Ramos, Force Commander at PDEA-4B.
Nahaharap ang nasabing suspek sa kasong paglabag sa Republic Act 9165 o Comprehensive Dangerous Drugs Act of 2002 matapos mabilhan ng hinihinalang ilegal na droga kapalit ng Php500.
Narekober rin mula sa suspek ang pera na ginamit bilang buy-bust money, at apat na plastic sachet ng hinihinalang shabu na may tinatayang timbang na humigit kumulang 0.6 gramo at nagkakahalaga ng Php4,000.
Ang Pambansang Pulisya ay hindi titigil sa kampanya laban sa pagsugpo sa kriminalidad, droga at terorismo para sa kaligtasan ng mamamayan at ng bansa.
Panulat ni Patrolman Erwin Calaus
