Arestado ang isang indibidwal matapos makumpiskahan ng ilegal na baril at droga ng mga tauhan ng Rosario Municipal Police Station sa P-1B Banahaw, Barangay Bayugan 3, Rosario, Agusan del Sur bandang 7:50 ng gabi nito lamang Agosto 25, 2024.
Kinilala ni Police Captain Val Warren O Polancos, Officer-In-Charge, ang naaresto na si alyas “Alvin”, 25 anyos, binata, walang trabaho at residente ng P- 4, Barangay Wasian, Rosario, Agusan del Sur.
Ayon kay PCpt Polancas, nakatanggap ng tawag sa telepono ang mga tauhan ng Rosario MPS mula sa isang concerned citizen na ang nasabing suspek ay nanggugulo sa nabanggit na lugar at agad namang nirespondehan ng nasabing pulisya katuwang ang 2nd Agusan del Sur Provincial Mobile Force Company.
Nakumpiska mula sa suspek ang isang unit ng shotgun na walang serial number na kargado ng anim na pirasong bala; limang piraso ng bala ng .45 caliber pistol, tatlong piraso ng maliit na heat-sealed transparent plastic na naglalaman ng pinaniniwalaang shabu na may halagang Standard Drug Price na Php6,800; isang piraso ng pinagsama foil; at tatlong pirasong disposable lighter.
Ang agarang aksyon ng Agusan del Sur PNP sa pagkumpiska ng armas at droga ay nagpapakita ng pagiging aktibo at epektibong ugnayan ng pulisya at mamamayan upang labanan ang insurhensiya at terorismo para mapanatili ang kaayusan at kapayapaan tungo sa isang ligtas na Bagong Pilipinas.
Panulat ni Patrolwoman Karen Mallillin
