Arestado ang isang indibidwal sa kasong paglabag sa Republic Act 10591 o Comprehensive Firearms and Ammunition Regulation Act matapos mahulihan ng ilegal na baril sa isinagawang operasyon ng mga tauhan ng Buluan Municipal Police Station sa Barangay Maslabeng, Buluan, Maguindanao Del Sur noong ika-20 ng Hunyo 2024.
Kinilala ni Police Captain Cemafranco A Cemacio, Chief of Police ng Buluan MPS, ang suspek na si alyas “Nelson”, 20 anyos, may asawa, at residente ng Poblacion, Buluan, Maguindanao Del Sur.
Ayon kay PCpt Cemacio, matagumpay na naaresto ang suspek dahil sa pinagsanib pwersa ng mga awtoridad ng Buluan Municipal Police Station at OFC 2nd Provincial Mobile Force Company na nagresulta sa pagkakakumpiska ng isang ilegal na yunit ng M16A1 Hydra-matic Rifle na may serial No na 3404761, 15 piraso ng 5.56 live ammunition; at tatlong piraso ng magasin.
Ang Buluan PNP ay patuloy na palalakasin ang kampanya laban sa loose firearms upang maging ligtas ang kanilang nasasakupan.
Panulat ni Patrolwoman Veronica Laggui
