Timbog ang isang indibidwal sa isinagawang Oplan Bakal Sita ng mga tauhan ng Sindangan Municipal Police Station sa Balwarte Resto Bar sa Barangay Ramon Magsaysay, Sindangan, Zamboanga del Norte noong ika-1 ng Abril, 2025.
Kinilala ng mga awtoridad ang suspek na si alyas “John”, 26 anyos, binata, isang craftsman sa goldsmith, at residente ng Barangay Piao, Sindangan, Zamboanga del Norte.
Nakumpiska sa pag-iingat ng suspek ang isang unit na replica ng Glock 17 pistol (Airsoft), kulay itim, na may isang inserted magazine na naglalaman ng pellets, at isang itim na sling bag.
Patuloy ang pagsiguro ng PNP sa kaayusan at katahimikan na susi sa kaunlaran ng mamamayan.
Panulat ni Pat Joyce Franco
