Arestado ang isang indibidwal na nahuling may hawak na baril sa Drip Gasoline Station sa Barangay Katwiran II, Baco, Oriental Mindoro nito lamang ika-30 ng Abril 2025.
Kinilala ang suspek na si alyas “Bene”, 44 taong gulang, empleyado ng Tagumpay Cockpit Arena, at residente ng Baco, Oriental Mindoro.
Ayon sa imbestigasyon ng Baco PNP, iniulat ng isang testigo na may bitbit na tandang ang suspek at posibleng pumunta sa isang cockpit arena. Sinamahan ng mga tauhan ng himpilan ang saksi patungo sa Tagumpay Cockpit Arena sa Barangay Tagumbay.
Sa arena, positibong kinilala ng saksi at itinuro ang suspek, na kasunod na inaresto at narekober sa suspek ang isang caliber .45 pistol na Compact Pro, Industria Angelina na may serial number na A53795 na may kasamang magasin na mayroong pitong (7) bala.
Ang pagkakahuli sa suspek ay tanda ng dedikasyon ng kapulisan na gampanan ang kanilang tungkuling panatilihing maging mapayapa ang komunidad lalo na ngayong panahon ng halalan 2025.
Source: Baco MPS
Panulat ni Patrolwoman Ana Rose D Guadana
