Arestado ang isang indibidwal sa isinagawang Search Warrant operation ng mga awtoridad bandang 8:50 ng umaga noong Marso 27, 2025 sa Purok 6, Barangay Poblacion, Dimataling, Zamboanga del Sur.
Kinilala ni Police Major Mario A Regidor, Officer-In-Charge ng Dimataling Municipal Police Station, ang suspek na si alyas “Eli”, 34 anyos, may asawa, walang trabaho, at residente ng nasabing lugar.
Nakumpiska sa pag-iingat ng suspek ang isang (1) ang kalibre .45 Colt pistol na may serial number 972919 at tatlong (3) magasin na may 16 na bala, isa (1) pang kalibre .45 pistol (deface make) na may serial number 942136 at isang (1) magasin na may apat na bala, isang (1) unit ng granada (High Explosive), 19 heat-sealed transparent sachets na naglalaman ng pinaghihinalaang shabu na may tinatayang timbang na .95 gramo at may Standard Drug Price na Php6,460.
Patuloy ang PNP sa pagsiguro ng kaligtasan at kapayapaan sa ating pamayanan.
