Valencia City, Bukidnon – Arestado ang isang indibidwal sa paglabag sa COMELEC Gun Ban sa Valencia City, Bukidnon nito lamang Linggo Abril 17, 2022.
Kinilala ni Police Lieutenant Ray Barzan, Officer-in-Charge ng Valencia City Police Station, ang suspek na si Reymond Tangal, 39, latero at residente ng Purok-19, Poblacion, Valencia City.
Ayon kay Police Lieutenant Barzan, naaresto ang suspek ng mga tauhan ng Valencia City PNP dahil sa sumbong ng isang concerned citizen na nakita ang suspek na may sukbit na baril sa kanyang baywang habang nasa Valencia City Farmers Market.
Ayon pa kay Police Lieutenant Barzan, nakumpiska mula sa suspek ang isang unit ng NP 23 caliber 9mm Norinco chromed pistol; isang broken stainless magazine; isang black leather inside holster; isang patalim at walang maipakitang kaukulang dokumento sa naturang baril.
Ang suspek ay mahaharap sa kasong paglabag sa Republic Act 10591 o Comprehensive Firearms and Ammunition Regulation Act at Omnibus Election Code.
Ang tauhan ng Valencia CPS ay patuloy na gagampanan ang tungkulin na bantayan at pangalagaan ang katahimikan sa kanilang nasasakupan.
Source: Valencia City Police Station
###
Panulat ni Edwin Baris/RPCADU 10
