Arestado ang isang indibidwal sa kasong theft sa isinagawang hot pursuit operation ng mga tauhan ng Datu Odin Sinsuat Municipal Police Station sa Barangay Poblacion, Datu Odin Sinsuat, Maguindanao del Norte nito lamang ika-8 ng Hulyo 2024.
Kinilala ni Police Lieutenant Colonel Samuel Roy M Subsuban, Chief of Police ng Datu Odin Sinsuat MPS, ang suspek na si alyas “Sam”, 29 anyos, walang trabaho at residente ng Barangay Penditen, Datu Salibo, Maguindanao del Sur.
Bandang 2:10 ng hapon nang makatanggap ng tawag ang naturang istasyon mula sa biktima tungkol sa insidente ng pagnanakaw ng motorsiklo sa harap ng MSU-Dalican.
Agad namang tumugon ang mga awtoridad at nagsagawa ng hot pursuit operation na nagresulta sa agarang pagkakaaresto ng suspek at pagkarekober ng isang motorsiklong Honda CFT125MRL na positibong pagmamay-ari ni alyas “Soni” sa bisa ng isang deed of sale na notaryado.
Sa pagkamit ng Bagong Pilipinas ng kasalukuyang administrasyon ay may mithiing panatilihin ang payapa at ligtas na bansa katuwang ang hanay ng PNP na hindi mapapagod sa pagsasagawa ng operasyon upang mapanagot ang mga lumalabag sa batas.
Panulat ni Patrolwoman Veronica Laggui
