Arestado ng mga tauhan ng Warrant at Subpoena Section ng Pasay City Police Station sa bisa ng Warrant of Arrest ang isang indibidwal sa kasong panggagahasa sa Cadena de Amor St., Pasay City bandang 1:10 ng tanghali nito lamang Miyerkules, Enero 8, 2025.
Kinilala ni Police Colonel Samuel B Pabonita, Chief of Police ng Pasay CPS, ang suspek na si alyas “Baba”, 32 taong gulang, nakalista bilang Top 7 Most Wanted Persons (District at Station Level) para sa buwan ng Oktubre 2023.
Dinakip ang suspek sa kasong panggagahasa na walang inirekomendang piyansa sa ilalim ng Criminal Case No. R-PSY-23-01488-CR.
Tuloy-tuloy lamang ang Pasay PNP sa pagsasagawa ng operasyon upang tugisin ang mga indibidwal na may pananagutan sa batas at maibigay ang hustisya sa kanilang mga naging biktima.
Source: SPD PIO
Panulat ni PSSg Remelin M Gargantos
