Arestado ang isang indibidwal sa kasong Direct Assault at paglabag sa Republic Act 10591 o Comprehensive Firearms and Ammunition Regulation Act sa isinagawang Manhunt Charlie operation ng mga tauhan ng Sultan Mastura Municipal Police Station Tracker Team sa Barangay Balut, Sultan Mastura, Maguindanao del Norte noong ika-5 ng Agosto 2024.
Kinilala ni Police Captain Elmar Elarcosa, Hepe ng Sultan Mastura MPS, ang suspek na si alyas “Luke”, 53 anyos na residente ng naturang lugar.
Bandang 9:45 ng umaga nang ikasa ang naturang operasyon ng mga awtoridad ng Sultan Mastura MPS tracker team katuwang ang Provincial Investigation Unit na nagresulta sa pagkakaaresto ng suspek sa kasong Direct Assault.
Nakuhanan rin ang suspek ng isang unit ng homemade caliber 9mm UZI na may isang steel magazine at dalawang bala.
Ang matagumpay na operasyon ay bunga ng mas pinaigting na kampanya kontra loose firearms ng PNP para maiwasan na magamit sa krimen at mapanatili ang seguridad at kaligtasan ng mamamayan sa bawat komunidad para sa maayos at mapayapang Bagong Pilipinas.
Panulat ni Patrolwoman Veronica Laggui
