Arestado ang isang indibidwal sa isinagawang entrapment operation dahil sa pagbebenta ng ilegal na mataas na kalibre ng armas sa isinagawang buy-bust/entrapment operation ng mga operatiba ng CIDG Region 2 sa barangay Buenavista, Santiago City, Isabela noong ika-3 ng Mayo, 2025.
Kinilala ang suspek na si alyas “Berto”, 46 years old, driver at residente sa Bayan ng Ramon, Isabela.
Naging matagumpay ang operasyon dahil sa pagtutulungan ng Criminal Investigation and Detection Group (CIDG) Isabela, Lead Unit, kasama ang Regional Intelligence Unit 2, at Santiago City Police Office (SCPO), kung saan ikinasa ang isang entrapment operation sa nabanggit na lugar.
Narekober mula sa suspek ang isang (1) unit ng 12-gauge shotgun, dalawang (2) pirasong bala para sa 12-gauge shotgun, boodle money, at cellular phone.
Kasalukuyang nasa kustodiya na ng CIDG Santiago City si alyas Berto na mahaharap sa mga kasong paglabag sa Republic Act 10591 o “Comprehensive Firearms and Ammunition Regulation Act” at paglabag sa Batas Pambansa 881 o “Omnibus Election Code”.
Samantala pinuri naman ni Police Brigadier General Antonio P Marallag, Regional Director PRO2, ang naging matagumpay na operayson ng mga operatiba. Aniya, mas lalo pang papaigtingin ng buong valley cops ang pagsasagawa ng mga operasyon laban sa kriminalidad upang mapanatili ang isang ligtas at mapayapang halalan 2025
Source: PRO2
Panulat ni PCpl Kelvin Paul Juan
