Arestado ang isang lalaki sa ikinasang operasyon ng mga otoridad sa Purok Million, Barangay Camanga, Malangas, Zamboanga Sibugay nito lamang Marso 17, 2026.
Kinilala ni Police Colonel Bernard Danie V Dasugo, Provincial Director ng Zamboanga Sibugay Police Provincial Office, ang suspek na isang lalaki na nakuhanan ng dalawang piraso ng transparent plastic sachets na naglalaman ng hinihinalang shabu na tumitimbang ng 12 gramo na nagkakahalga ng Php81,600, isang unit caliber 45 pistol (COLT MK IV) na walang serial number, at isang magazine na may anim na bala.
Kasong paglabag sa Republic Act 9165 o ang “Comprehensive Dangerous Drugs Act of 2002” at Republic Act 10591 o ang “Comprehensive Firearms and Ammunition Regulation Act”.
Naging matagumpay ang operasyon dahil sa pagsisikap ng mga tauhan ng Zamboanga Sibugay Provincial Intelligence Unit, PDEU-ZBPPO, 903rd RMFB, 1st Provincial Mobile Force Company at Malangas Municipal Police Station.
“We commend the personnel of Provincial Intelligence Unit, and other operating units for the successful conduct of this search warrant operation. This operation underscores our firm commitment to combat illegal drugs and other illegal activities. The Zamboanga Sibugay Police Provincial Office remains dedicated to lawful, intelligence-driven actions to keep our communities safe and secure,” saad ni PCol Dasugo.
