Timbog ang isang High Value Individual sa isinagawang buy-bust operation ng City Drug Enforcement Unit (CDEU) ng Bacolod City Police Office (BCPO) sa Purok Saturn, Barangay Handumanan, Bacolod City, bandang 1:34 ng umaga nito lamang ika-7 ng Marso 2025.
Ang operasyon ay pinangunahan ni PLt Richard O Legada, Assistant Chief ng CDEU, sa ilalim ng pangangasiwa ni PLtCol Antonio Benitez Jr.
Kinilala ang suspek na si alyas “Koi,” 21-anyos na lalaki, walang trabaho, at residente ng nasabing lugar.
Nakumpiska mula sa suspek ang humigit kumulang 70 gramo ng hinihinalang shabu na may Standard Drug Price na Php476,000.
Kabilang sa mga ebidensyang narekober ang isang sachet ng hinihinalang shabu na ginamit bilang buy-bust item, limang sachet ng hinihinalang shabu, isang knot-tied transparent plastic bag na naglalaman ng suspected shabu, buy-bust money na nagkakahalaga ng Php1,000, at iba pang non-drug items.
Sa ngayon si alyas “KOI” ay mahaharap sa kasong paglabag sa Section 5 at 11 ng Republic Act 9165 o ang “Comprehensive Dangerous Drugs Act of 2002”.
Patuloy namang pinaiigting ng Pambansang Pulisya ng Pilipinas ang kampanya laban sa iligal na droga upang masiguro ang kaligtasan at kaayusan ng komunidad tungo sa Bagong Pilipinas.
Panulat ni Pat Justine Mae Jallores
