Isang matagumpay na operasyon laban sa ilegal na droga ang isinagawa ng mga tauhan ng Iloilo City Police Station 3 (ICPS3) na nagresulta sa pagkadakip ng isang drug personality sa Brgy. Tacas, Jaro, Iloilo City, nitong ika-19 ng Setyembre 2023.
Ayon kay Police Major Eduardo Siacon Jr, Officer-In-Charge ng ICPS 3, bandang alas-1:20 ng madaling araw ng isagawa ang nasabing operasyon na kung saan naaresto ang suspek na si Joey Ramos, residente ng Jaro, Iloilo City.
Ayon pa kay PMaj Siacon Jr, ang subject person ay nahulihan ng limang pakete ng pinaghihinalaang shabu, na may bigat na 3 gramo at nagkakahalaga ng Php20,400.
Narekober din sa suspek ang Php2,000 na ginamit bilang buy-bust money, kasama ang isang 100-peso bill, isang pouch, at isang Samsung Cellphone.
Ang naarestong drug suspek ay nakapiit na sa ICPS3 at nahaharap sa kasong paglabag sa RA 9165 o Comprehensive Dangerous Drugs Act of 2002.
Ang matagumpay na operasyon ay bahagi ng patuloy na kampanya ng PNP laban sa ilegal na droga sa lungsod ng Iloilo, at nagpapakita lamang ito ng kanilang determinasyon na mapanatili ang katiwasayan at kaayusan sa komunidad.
