Balamban, Cebu – Boluntaryong isinuko ng isang concerned citizen ang isang M203 40mm grenade launcher ammunition sa mga operatiba ng Balamban Municipal Police Station sa Cebu noong Sabado, ika-11 ng Hunyo, 2022.
Ang naturang pagsuko ay naganap nang isinagawa ng mga otoridad ng nasabing istasyon ang operasyong “OPLAN KATOK” sa Brgy. Sta. Cruz, Balamban, Cebu na pinangunahan ng hepe nito na si Police Major Reyco Romaguera.
Ayon kay Police Major Romaguera, ang isinagawang operasyon ay kaugnay sa patuloy na pagsasakatuparan ng Simultaneous Anti Criminality Law Enforcement Operation (SACLEO) sa nasabing bayan at kabahagi nito ang pagsulong sa kampanya laban sa mga loose firearms, explosives, at ammunitions.
Ayon pa kay Police Major Romaguera, ang naisukong granada ay agad na dinala sa istasyon para sa tamang desposisyon.
Ang OPLAN KATOK ng Balamban MPS ay patuloy na ipapatupad bilang bahagi ng mga programa sa pagpapanatili ng kaayusan at kapayapaan na positibo namang sinuportahan ng mga residente ng nasabing bayan.
###
