Ilocos Sur – Naaresto ng mga kapulisan ng Sto. Domingo Municipal Police Station sa kasong homicide ang isang empleyado ng PLDT noong Martes, Marso 8, 2022.
Kinilala ni Police Colonel Wilson Doromal, Provincial Director ng Ilocos Sur Police Provincial Office ang suspek na si Recto Tabbal y Jimenez, 43, may asawa, PLDT groundman, residente ng Brgy. Lao-ingen, Sto. Domingo, Ilocos Sur.
Ayon kay PCol Doromal, naaresto ang suspek sa pinagsanib na puwersa ng Sto. Domingo MPS at Magsingal Municipal Police Station sa Brgy. Parada, Sto. Domingo, Ilocos Sur.
Ayon pa kay PCol Doromal, naaresto ang suspek sa bisa ng Warrant of Arrest sa kasong homicide na inilabas ni Judge Homer Jay Ragonjan ng Regional Trial Court, Branch 24, Cabugao, Ilocos Sur noong Marso 8, 2022 na may rekomendadong piyansa na Php120,000.
Hinikayat ng Pambansang Pulisya ang mga mamamayan na makiisa at makipagtulungan sa pag-aresto sa mga kriminal para mabigyan ng hustisya ang mga biktima at upang magkakaroon ng maayos at tahimik na pamayanan.
Source: Magsingal Municipal Police Station
###
Panulat ni Patrolman Viljon Comilang
