Ilocos Sur – Bolutaryong nagbalik-loob sa pamahalaan ang isang miyembro ng Communist Terrorist Group sa Brgy. Pidpid, Sta. Cruz, Ilocos Sur, nito lamang Oktubre 27, 2023.
Kinilala ni Police Lieutenant Colonel Rodel Santos, Force Commander ng 2nd Ilocos Sur Provincial Mobile Force Company, ang sumuko na si alyas “Joel”, 26, dating miyembro ng KLG Sandino at residente rin ng nasabing lugar.
Ang pagsuko ng dating miyembro ng CTG na si alyas “Joel” ay dahil sa maayos na pakikipag-negosasyon ng 2nd Ilocos Sur Provincial Mobile Company bilang Lead Unit, Provincial Intelligence Unit ng Ilocos Sur Police Provincial Office, Sta. Cruz Municipal Police Station, Sta. Lucia Municipal Police Station, 103rd Maneuver Company ng Regional Mobile Force Battalion 1 at Tagudin Municipal Police Station.
Si alyas “Joel” ay nasa pangangalaga na ngayon ng Sta. Cruz Police station sa Sta. Cruz Ilocos Sur para sa dokumentasyon.
Nanumpa rin ang dating rebelde para sa kanyang pagbabalik sa kanlungan ng gobyerno ng Pilipinas.
Ito ay bahagi ng 5-Focused Agenda ng CPNP at bilang suporta sa E.O. 70 NTF-ELCAC upang wakasan ang problema sa insurhensiya at komunismo. Nakatanggap din si alyas “Joel” ng cash assistance at groceries mula sa 2nd ISPMFC.
Patuloy pa rin ang panawagan ni Police Brigadier General John C Chua, Regional Director ng Police Regional Office 1, sa mga natitira pang miyembro ng CTGs na sumuko para makapamuhay ng mas mapayapa, matiwasay at maayos.
