Barcelona, Sorsogon – Patay sa engkwentro ang isang miyembro ng Communist Terrorist Group nito lamang Sabado, Hunyo 4, 2022.
Kinumpirma ni Police Colonel Arturo Brual Jr., Provincial Director ng Sorsogon Police Provincial Office na dakong 6:45 ng umaga naganap ang engkwentro sa Sitio Maragaas, Barangay Olandia, Barcelona, Sorsogon sa pagitan ng 12 na Communist Terrorist Groups na pinamumunuan ni Fernando Dialogo alyas “Karen/Jepoy at ng mga tauhan ng Provincial Intelligence Unit- Sorsogon, 504th Regional Mobile Force Battalion, 2nd Sorsogon Provincial Mobile Force Company, 92nd Special Action Company, 9th Special Action Battalion- Special Action Force, Barcelona Municipal Police Station at Philippine Army.
Kinilala ni PCol Brual Jr., ang nasawi na si Jimmy Equiza alyas “Bert/Bong”, miyembro ng Platoon 1, Larangan 1 Komite Probinsya 3 at may patung-patong na kaso.
Dagdag pa ni PCol Brual Jr., narekober mula sa mga CTG ang isang cal. 5.56 M16 rifle, isang cal. 5.56 M16 rifle na may M203 grenade launcher, 40 piraso na live ammunition para sa 5.56 rifle, 4 na piraso ng long steel magazine, isang short steel magazine.
Ayon pa kay PCol Brual Jr., narekober din ang dalawang 40MM live ammunition para sa M203 rifle, isang 40MM fire cartridge case para sa M203 rifle, 2 bandoleer, mga subersibong dokumento at 69 metro ng IED firing wire.
Ang PNP ay patuloy na nananawagan sa mga miyembro ng makakaliwang grupo na magbalik-loob na sa gobyerno upang matigil na ang karahasan at terorismo tungo sa mapayapa at maunlad na rehiyon.
Source: PRO 5
###
Panulat ni Patrolman Rodel Grecia
