Bontoc, Mt. Province – Sumuko ang ang isang miyembro ng Communist Terrorist Group sa PNP at AFP sa Bontoc, Mt. Province nito lamang Hunyo 23, 2022.
Ayon kay PCol Ruben B. Andiso, Provincial Director, Mt. Province Police Provincial Office, ang sumuko ay hiniling na itago ang kanyang pagkakakilanlan, babae, 22, walang asawa, residente ng San Guillermo, Bayanan, Muntinlupa City at tagasuporta ng Kilusang Larangang Gerilya (KLG) Abra-Mt. Province-Ilocos Sur (AMPIS).
Ayon pa kay PCol Andiso, kusang sumuko ang babaeng rebelde dahil sa pinaigting na programa kontra kriminalidad at terorismo at Oplan Binnaga ng Mt. Province PNP, La Union PNP at AFP.
Isinuko rin ng babaeng rebelde ang kanyang armas na homemade shotgun.
Patuloy ang PNP na hikayatin ang mga natitira pang miyembro ng CTG na sumuko na upang makapagbagong buhay mula sa mga programa ng pamahalaan sa piling ng pamilya.
###
Panulat ni Patrol Josua Reyes
