Nagsagawa ang Isabela PPO ng PNP Community Outreach program sa Brgy Digumased at Bucal Elementary School, Dinapigue, Isabela noong Nobyembre 19, 2022.
Ang aktibidad ay pinangunahan ni PCol Julio Go, Provincial Director kasama ang Isabela PPO Officers Ladies Club, Advocacy Support Group at iba pang stakeholders.
Umabot sa 712 indibidwal ang nabenepisyuhan sa isinagawang aktibidad.
Maliban sa pamimigay ng mga grocery items, nagsagawa din ng libreng gupit para sa lahat, feeding program at palaro na may papremyo sa mga bata.
Taos-puso ang pasasalamat ni PCol Go sa lahat ng line agencies sa kanilang mga ibinahaging tulong na dahilan ng matagumpay na aktibidad na nagdulot ng kasiyahan sa daan-daang katao na nahandugan.
Layunin ng aktibidad na ito na maipagpatuloy ang pagsagawa ng mga kapaki-pakinabang na gawain sa lipunan upang maiparamdam sa mga mamamayan ang malasakit ng PNP at makita nila ang tunay na paninilbihan ng kapulisan hindi lamang sa buong lalawigan ng Isabela kundi pati na rin sa ibang dako pa ng bansa.
Source: Isabela PPO, PIO
Panulat ni PSSg Jerlyn V Animos
