Nakiisa ang mga tauhan ng Iriga City Police Station sa pamumuno ni PLtCol Jabesh N Napolis, Chief of Police sa isinagawang Blood Donation Activity na ginanap sa Villanueva- Tanchuling Maternity and General Hospital Incorporated, Iriga City, Camarines Sur nitong Hunyo 18, 2024.
Ang nasabing aktibidad ay isinagawa ng Villanueva- Tanchuling Maternity and General Hospital Incorporated kaugnay sa Mobile Blood Donation Program at sa nalalapit na anibersaryo ng nasabing pagamutan.
Layunin nito na makalikom ng sapat na supply ng dugo para magamit ng ating mga kababayan na may malubhang karamdaman at nangangailangan ng dugo upang madugtungan ang kanilang buhay.
Ang Pambansang Pulisya ay kaisa ng komunidad upang makatulong sa ating mga kababayan at makapaghatid ng iba’t ibang serbisyo publiko na makakatulong sa ating mga kababayan.
Source: Iriga City Police Station
Panulat ni Pat Rodel Grecia
