Inilunsad ng Regional Joint Security Control Center ang Simultaneous Inspection sa ilang mga Checkpoint Areas sa iba’t ibang bahagi ng Western Visayas nito lamang Lunes ng umaga, ika-28 ng Agosto 2023.
Ang Regional Joint Security Control Center ay binubuo ng COMELEC (Commission on Elections) bilang Chairman, Philippine National Police (PNP), Armed Forces of the Philippines (AFP), at ang Philippine Coast Guard (PCG).
Ang nasabing aktibibad ay inilunsad upang masiguro ang pagpapatupad ng mga patakaran sa Gun ban na nagsimula nitong Agosto 28 hanggang Nobyembre 29, 2023, at bilang paghahanda sa isang ligtas na pagsisimula ng campaign period para sa Barangay at Sangguniang Kabataan Elections (BSKE) 2023.
Kabilang sa mga lugar na personal na pinuntahan ng RJSCC ngayong araw ay ang Barangay Tagbak, Jaro, Barangay Ungka, Jaro, sa Iloilo City, Barangay Poblacion, Leganes, Iloilo at Barangay Mali-ao, Pavia naman sa probinsya ng Iloilo.
Matatandaang nagsimula na ring tumanggap ang Committee on the Ban on Firearms and Security Concerns (CBFSC) ng mga application para sa issuance ng Certificate of Authority para sa Gun Ban exemption noong Hunyo 5, 2023 na magtatagal hanggang November 15, 2023.
Layunin nito na masiguro ang kaligtasan at seguridad ng mamamayan ngayong nalalapit na BSKElections 2023.
