Enrile, Cagayan – Nagsagawa ang Enrile PNP ng Information Drive Campaign sa mga residente ng Barangay Lanna, Enrile, Cagayan nito lamang Hulyo 13, 2022.
Ang aktibidad ay alinsunod sa ika-27th Police Community Relations Month Celebration na may temang “Ugnayang Pulisya at Komunidad Tungo sa Mapayapa, Maayos at Maunlad na Pamayanan”.
Ito ay pinangunahan ni PSSg Josephine Condat, MCAD PNCO/Speakers’ Bureau ng Enrile Police Station.
Nagsagawa ng lektyur patungkol sa Anti-Terrorism at Community Anti-Terrorism Awareness.
Layunin nitong imulat sa mga mamamayan kung paano nakakaapekto ang terorismo sa seguridad at humahadlang sa kapayapaan at pag-unlad ng komunidad.
Hinihikayat din nito ang mga mamamayan na maging alerto at mapagbantay at ipagpatuloy ang pagtutulungan ng pulisya at komunidad sa mga pagsisikap na mabawasan at maalis ang krimen at magbahagi ng impormasyon na nangyayari sa kanilang mga lugar sa lokal na pulisya o iba pang mga tauhan ng seguridad ng gobyerno.
Nagsagawa din ng talakay patungkol sa CARE (Coronavirus Awareness Response and Empowerment) program.
Layunin nitong hikayatin ang mga mamamayan na sundin ang minimum health and safety protocol at gamitin ang vaccination program ng gobyerno para makaiwas sa paglaganap ng virus sa komunidad.
Source: Enrile Pcr
###
Panulat ni Police Staff Sergeant Donabel T Dulin
