Palawan – Pagkondena sa Teroristang Grupong CPP-NPA-NDF sa pamamagitan ng Indignation Rally ang isinagawa ng mga residente ng Brgy. Poblacion, Taytay, Palawan noong ika-29 ng Enero 2023.
Nakiisa din sa aktibidad ang Taytay MPS sa pamumuno ni Police Major Bronson Caramto, Acting Chief of Police ng Taytay MPS kasama ang mga 3rd Maneuver Company, Marine Battalion Landing Team-3, 401st Battalion Maneuver Company Regional Mobile Force Battalion, Mayor ng nasabing Bayan, mga Barangay Peace Keeping Action Teams, Kabataan Kontra Droga at Terorismo, at Barangay Officials ng nasabing Barangay.
Itinampok sa indignation rally ang pagtakwil at pagtuligsa ng mamamayan ng Barangay Poblacion, Taytay, Palawan sa CPP-NPA-NDF sa pamamagitan ng pagpapakita ng mga placard na tumutuligsa sa kanilang mga teroristang gawain, at ang pagsunog ng mga simbolo at sagisag ng CPP-NPA-NDF na mariing deklarasyon na hindi sila tanggap sa nasabing barangay.
Layunin ng aktibidad na ipakita ang pagkakaisa ng pamahalaan at ng mga residente ng nasabing barangay sa pagtuligsa sa lahat ng uri ng karahasan, gawaing terorismo, at kalupitang dulot ng Komunistang Teroristang Grupo na humahadlang sa kapayapaan at kaunlaran sa bayan ng Taytay at sa buong lalawigan ng Palawan.
Panulat ni Patrolman Erwin Calaus
