Palawan – Nagsagawa ng Indignation rally ang mga tauhan ng 2nd Palawan Provincial Mobile Force Company sa Brgy. Tumarbong, Roxas, Palawan noong ika-24 ng Hulyo 2023.
Pinangunahan ni Police Lieutenant Colonel Mhardie Azarez, Force Commander ng 2nd Palawan PMFC kasama ang Marine Battalion Landing Team 3, KKDAT Tumarbong Chapter, KKDAT San Isidro Chapter, KKDAT Mendoza Chapter, mga opisyales at mga residente ng nasabing barangay.
Itinampok sa indignation rally ang pagtakwil at pagtuligsa ng mamamayan ng Barangay Tumarbong sa CPP-NPA-NDF sa pamamagitan ng pagpapakita ng mga placard na tumutuligsa sa kanilang mga teroristang gawain, at ang pagsunog ng mga watawat ng CPP-NPA-NDF na mariing deklarasyon na hindi sila tanggap sa nasabing barangay.
Itinampok din sa mensahe ng dating rebelde na si Rose ang kanyang karanasan habang nasa loob pa ng kilusan.
Hinikayat niya ang mga nakilahok na huwag suportahan ang teroristang grupo bagkus suportahan ang mga programa ng gobyerno para sa kapayapaan at kaunlaran.
Layunin ng aktibidad na ipakita ang pagkakaisa ng pamahalaan at ng mga residente ng Barangay Tumarbong sa pagtuligsa sa lahat ng uri ng karahasan, gawaing terorismo, at kalupitang dulot ng Komunistang Teroristang Grupo na humahadlang sa kapayapaan at kaunlaran sa bayan ng Roxas at sa buong lalawigan ng Palawan.
Panulat ni Patrolman Erwin Calaus
