Baguio City – Nagsagawa ng Incident Management Capability Demonstration ang Cordillera Regional Disaster Risk Reduction and Management Council (RDRRMC) sa Melvin Jones Grandstand, Baguio City nito lamang ika-14 ng Hulyo 2023.
Ang aktibidad ay dinaluhan nina Police Lieutenant Colonel Greg Ammiyao, Asst. Division Chief, RCADD, USEC Ariel Napumuceno, Executive Director, NDRRMC, Administrator, OCD at pinangasawaan ni Regional Director, Office of Civil Defense (OCD-CAR), Dir. Albert Mogol.
Tampok sa aktibidad ang pagbida ng mga kasanayan ng pulisya at ibang ahensya ng pamahalaan sa K9 Search and Rescue (SAR), Collapse Structure Search and Rescue (CSSR), Medical Team (Triage), Crash Vehicle Extrication and Rescue at Rubble Search and Tracking.
Layunin ng aktibidad na mapanatili ang kahandaan ng pamahalaan sa pagtugon sa sakuna o insidente lalo na ngayong panahon ng tag-ulan at makaligtas ng buhay sa oras ng pangangailangan.
Patuloy ang pamahalaan katuwang ang Pambansang Pulisya sa pagpapahusay ng mga kasanayan pagdating sa emergency response para sa kaligtasan ng bawat mamamayan sa panahon ng sakuna.
