Zamboanga City – Pinangunahan mismo ni Police General Rodolfo Azurin Jr, Ama ng Pambansang Pulisya ng Pilipinas ang Inauguration at Blessings ng bagong tayong gusali ng Zamboanga City Police Station 10 sa Brgy. Labuan, Zamboanga City nito lamang Pebrero 23, 2023.
Nagkaroon ng unveiling ng marker ng gusali na pinangunahan ni PGen Azurin, kinatawan ng Zamboanga City Local Government Unit at Department of Public Work and Highway at sinundan naman ng pagbabasbas sa iba’t ibang parte nito.
Sa pamamagitan ng PNP-DPWH Convergence Program sa ilalim ng GOP2021 Program, isang bagong istasyon ng pulisya ang matagumpay na naitayo upang tumugon sa pangangailangan ng komunidad at mas mapabilis ang serbisyong dekalidad para sa lahat ng mamamayan ng nasasakupan ng Zamboanga City Police Station 10.
Samantala, lubos ang pasasalamat ni PGen Azurin sa suporta ng iba’t ibang ahensya ng gobyerno upang maitayo ang naturang bagong gusali at nangakong mas mapapabilis ang pagsugpo sa anumang uri ng kriminalidad, terorismo at inhursensiya sa siyudad.
Panulat ni Patrolman John Ronald Tumonong/RPCADU9
