Ilocos Norte – Naghandog ng pangkabuhayan ang mga kapulisan ng Ilocos Norte sa pangunguna ni Police Colonel Julius Suriben, Acting Provincial Director ng Ilocos Norte Police Provincial Office (INPPO) at Honorable 1st District Congressman Ferdinand Alexander “Sandro” A. Marcos nito lamang Biyernes ika-5 ng Agosto 2022.
Ang aktibidad ay dinaluhan ni Police Brigadier General Emmanuel B Peralta, Regional Director, PRO1 at mga Chiefs of Police/Officers-In-Charge ng lalawigan.
Kabilang sa mga nakatanggap ng dalawampu’t pitong kambing ay mula sa Poor of the Poorest ng lalawigan at ilang miyembro ng mga dating nagbalik-loob sa gobyerno.
Naisagawa din ang panunumpa ng mga bagong halal ng Kabataan Kontra Droga at Terorismo (KKDAT) 1st District – Ilocos Norte Chapter na pinangunahan ni Congressman Sandro Marcos.
Sa mensahe ni Congressman Sandro Marcos, “Kayo po na mga PNP ang susi sa ating kinabukasan. Kayo po ang susi sa pag-unlad ng ating bansa at kung wala kayo diyan, hindi ko lang alam kung ano mangyayari sa ating insurgency problem. Kung anong mangyayari sa problema ng NPA ngayon, at alam naman natin dahil sa mga effort niyo, dahil sa lahat ng ginagawa niyo para sa ating bansa ay nawawala na ang problema na iyan dahil sa NTF-ELCAC at dahil sa sipag ng ating mga pulis.”
Ang nasabing programa at proyekto ay para mabigyan ng simpleng pangkabuhayan at pagkakataong mabuhay ng tahimik, payapa at normal ang mga nagbalik-loob sa gobyerno na alinsunod sa tinatawag na End Local Communist Armed Conflict (ELCAC) PRLE Cluster Initiative.
Source: Ilocos Norte Police Provincial Office
###
Panulat ni PSSg Lhenee B Valerio
