Cebu City – Kalaboso ng mga tauhan ng Cebu City Police Office (CCPO) ang isang Indian National sa kasong illegal recruitment sa Brgy. Bulacao Cebu City nito lamang Lunes, Nobyembre 14, 2022.
Kinilala ni Police Major Remon Jake Aguho, Hepe ng Police Station 7, CCPO, ang suspek na si Harjot Singh, 26, residente ng Sitio Ciwac, Brgy. Bulacao, Cebu City kabilang sa Top 2 Municipal Most Wanted Person.
Ayon kay Police Major Aguho, naaresto ang suspek sa bisa ng Warrant of Arrest sa kasong paglabag sa Section 6 ng RA 8042 (Illegal Recruitment) na inamyendahan ng RA 10022 o ang The Migrant Workers and Overseas Filipinos Act of 1995 sa tinutuluyan nitong bahay sa Cebu City.
Ang pagkakadakip sa suspek ay resulta ng patuloy na pagsisikap ng Cebu City Police Office (CCPO) na hulihin ang mga indibidwal na may pananagutan sa batas upang mabigyan ng hustisya ang mga naging biktima nito at makamit ang “Singapore Like” Cebu City at mapanatili ang kaayusan, kapayapaan tungo sa kaunlaran ng ating lipunan.
