Natonin, Mountain Province – Tinatayang mahigit Php7,000 halaga ng illegal lumbers ang nadiskubre ng mga tauhan ng Natonin PNP sa Sitio Kungob, Banawel, Natonin, Mountain Province nitong Huwebes, Mayo 19, 2022.
Ayon kay Police Major Junjun Gaspar, Acting Chief of Police ng Natonin Municipal Police Station, nadiskubre ang mga illegal lumber dahil sa ulat ng isang residente na ‘di umano’y nakakita siya ng mga ilegal na pagputol ng kahoy sa nasabing Sitio.
Dagdag pa ni PMaj Gaspar, agad na rumesponde ang kanyang grupo na nagresulta sa pagkakadiskubre ng iba’t ibang sukat ng ilegal na tabla na may tinatayang may market value na Php7,870.
Kaagad din na sinuyod ng mga tauhan ni PMaj Gaspar ang paligid ngunit nabigo ang mga ito na maabutan ang mga responsable sa nasabing illegal logging.
Ang nasabing mga kahoy ay nasa kustodiya na ng Natonin MPS para sa tamang disposisyon.
Panawagan naman ni PMaj Gaspar na kumuha ng karampatang clearance sa DENR bago pumutol ng anumang uri ng kahoy para makaiwas sa kasong paglabag sa PD 705 o ang Revised Forestry Code of the Philippines.
Source: https://m.facebook.com/story.php?story_fbid=2159613230869163&id=100004615216199
###
