Abra de Ilog, Occidental Mindoro – Arestado ng puwersa ng PNP ang isang indibidwal sa pagkakasabat ng ilang undocumented coconut lumbers sa Sitio Labac, Barangay Tibag, Abra de Ilog, Occidental Mindoro nito lamang Martes, Abril 26, 2022.
Kinilala ni Police Colonel Simeon Gane Jr, Provincial Director ng Occidental Mindoro Police Provincial Office ang suspek na si Chrainson Herba Malapajo, 39, residente ng nasabing barangay.
Ayon kay PCol Gane Jr, naaresto ang suspek bandang 10:45 ng umaga nang magsagawa ng Anti-Illegal Logging operation ang mga tauhan ng Abra de Ilog MPS (Lead Unit) kasama ang Intelligence personnel ng 402nd RMFB ng mahuli sa akto na nagpuputol ng coco lumber ang suspek na walang cutting permit.
Ayon kay PCol Gane Jr, may kabuuang 14 na pirasong 2x3x10 ng illegal cut na lumbers at isang unit ng chainsaw ang nakumpiska ng mga awtoridad mula sa suspek.
Ang suspek ay nahaharap sa kasong paglabag sa RA 10593 o Regulation of the cutting of Coconut Trees.
Source: Occidental Mindoro Police Provincial Office
###
Panulat ni Patrolman Jorge Michael C Bardiago
