Iligan City – Nakiisa ang Iligan City PNP sa isinagawang Serbisyong Iliganon Caravan kasama ang iba’t ibang ahensya ng pamahalaan na ginanap sa Gymnasium, Brgy. Digkilaan, Iligan City nito lamang ika-4 ng Mayo 2023.
Sa nasabing aktibidad ay aktibong nakiisa ang Iligan City PNP sa pangunguna ni Police Major Zandrex Panolong, Deputy Chief ng City Community Affairs and Development Unit/Public Information Office sa ilalim ng pamumuno ni Police Colonel Reinante Delos Santos, Acting City Director ng Iligan City Police Office.
Ang aktibidad ay pinangunahan ng Lokal na pamahalaan ng Iligan City na dinaluhan ng iba’t ibang ahensya kasama ang 2nd Mechanized Brigade ng Philippine Army, Bureau of Fire Protection – Iligan City at Iligan City PNP.
Kabilang sa Serbisyong Iliganon Caravan ang mga lectures, mobile library, libreng food packs, libreng ice cream, libreng tsinelas, libreng operation tuli at gupit, libreng medikal at dental, legal advice, seminar for application of water services, bloodletting, POPCOM, Alternative Learning System at serbisyo para sa mga senior citizens.
Labis naman ang pasasalamat ng mahigit 500 na benepisyaryo sa isinagawang Serbisyong Iliganon Caravan.
Patuloy na makikiisa ang Iligan City PNP sa mga aktibidad na may layuning magbigay ng taos-pusong serbisyo para sa mga nasasakupang komunidad sa pamamagitan ng pagkakaisa ng iba’t ibang ahensya ng pamahalaan.
Panulat ni Patrolman Joshua Fajardo/RPCADU10
