Nakumpiska mula sa isang aircon technician ang ilegal na baril at mga bala sa isinagawang search warrant operation ng mga awtoridad sa Barangay Villamor, Esperanza, Sultan Kudarat nito lamang umaga ng Huwebes, ika-21 ng Nobyembre 2024.
Kinilala ni Police Captain Jeffrey T Lazaro, Officer-In-Charge ng Esperanza Municipal Police Station, ang suspek na si alyas “Nel”, 45 anyos, residente ng nasabing lugar.
Nakuha sa bahay ng suspek ang isang unit ng .38 revolver at limang bala at nahaharap sa kasong paglabag sa Republic Act 10591 o “Comprehensive Firearms and Ammunition Regulation Act”.
Patuloy ang kampanya ng Esperanza PNP para sa mga loose firearms at nanawagan sa iba pang may-ari ng baril na walang kaukulang dokumento na isuko ang kanilang baril upang maiwasan na magkaroon ng kaso.
