Basay, Negros Oriental – Naghandog muli ang mga tauhan ng Basay Municipal Police Station ng ilaw bilang bahagi ng “Ilaw Mo Sagot Ko” Program ng istasyon nito lamang ika-30 ng Nobyembre sa Brgy. Bangalonan, Basay, Negros Oriental.
Ang programa ay pinangunahan ni Police Lieutenant Julius Rene Peñaflorida, OIC, kasama ang 4th SOU PNP Maritime Group.
Malayo pa lamang ay tanaw na ang ngiti ni Nanay Lolita Jimenez, sapagkat aniya, malaking kaginhawaan ang dulot sa kanila ng tulong na handog ng mga kapulisan.
Agad namang napawi ang uhaw at pagod ng nasabing grupo ng makita nila ang lubos na kagalakan sa mga mata ni Nanay.
Hangad ng NegOr PNP na maipadama sa bawat residente na kanilang nasasakupan na sila ay may kaagapay at hindi nag-iisa, sama-sama tayo sa iisang layunin, tulong-tulong tayo sa iisang mithiing makamit ang kaunlaran lalong-lalo na ng ating mga kababayang nasa laylayan ng lipunan.
