Pinasinayaan at binasbasan ang ikatlong KASIMBAYANAN Hall sa lalawigan ng Isabela na matatagpuan sa Brgy. Rizal, Roxas, Isabela noong ika-17 ng Pebrero 2023.
Pinangunahan ito ng panauhing pandangal na si Police Colonel Julio Go, Provincial Director ng IPPO kasama sina Police Major Rassel L Tuliao, COP ng Roxas PS.
Ang naturang aktibidad ay nilahukan rin ng DPWH Roxas, MLGOO, Regional Emergency Assistance Communication Team (REACT), Aglipayan Church, KKDAT Roxas, Isabela Chapter, mga miyembro ng Technical Working Group at mga LGU Officials ng Roxas sa pangunguna ni Hon. Jonathan Jose S. Calderon, Municipal Mayor.
Sa mensahe ni PCol Go, pinuri niya ang himpilan ng Roxas PS na mahusay na pinamumunuan ni PMaj Tuliao sa kanilang pagpupursigi na magkaroon ang bayan ng Roxas ng KASIMBAYANAN Hall at kanya ring pinasalamatan ang Local Government Unit ng nasabing bayan, Life Coaches at iba pang stakeholder sa kanilang buong suportang ibinigay para ito’y maging posible.
Nabanggit rin niya na ang pagkakaroon ng naturang hall ay makakatulong upang mas mapagtibay ang ugnayan ng Kapulisan, Simbahan at Pamayanan tungo sa mas maayos at maunlad na bayan.
Source: Isabela PPO, PIO
Panulat ni PSSg Jerlyn V Animos
