Bohol – Buong suportang tinutukan ng mga tauhan ng Buenavista Municipal Police Station ang ika-31st Balay Sa Gugma para sa isang pamilya sa Purok Nangka Barangay Cantumogcad, Buenavista, Bohol nito lamang ika-15 ng Abril 2023.
Ang Programang “Balay sa Gugma” ay inorganisa ng Sto. Parish Church na patuloy na binibigyang katuparan ng Buenavista Municipal Police Station sa pangunguna ni Police Captain Edcel Delgado Petecio, Officer-In-Charge katuwang ang mga miyembro ng Advocacy Support Groups at Force Multipliers ng Buenavista, Bohol.
Lubos ang saya at mangiyak-ngiyak na nagpasalamat si Tatay Joel Bautista at kanyang pamilya na hindi makapaniwalang magkakaroon na sila ng sariling bahay na matatawag nilang kanila ng dahil sa handog ng kapulisan maging sa lahat ng tumulong at nakibahagi upang maisakatuparan ang programa.
Ang Kapulisan, Simbahan at Pamayanan ay patuloy na magkakaisa at magtutulungan upang mas marami pang pamilya ang mabigyan ng maayos na bubong na masisilungan.
